كلمات أغنية الغريب والحبيب
- كلمات
- علي مهدي
- ألحان
- رياض السنباطي
الغريب إللي في آخر الدنيا جه يسأل عليا
والحبيب إللي قريب مني ليه ماسألش فيا
إيه جرى للدنيا ديا
إيه جرى للدنيا .. إيه
ياحبيبي الشوق ندالك من الضلوع
رحت فين ونسيت خيالك في الدموع
الغريب قلبه يراعيني وإنتـا قلبك ليه ناسيني
لو تجيني وتراضيني ح أنسى هجرك والأسية
إيه جرى للدنيا ديا إيه جرى للدنيا .. إيه
أد إيه حيرني حبك ياحبيبي ..
أنظلم وياك وقلبك مش داري بي
فين نعيـم الحب قللي ليـه ظالمني معاك تملـي
بعد نارك إيه فاضللي غير دموع شاردة في عنيا
إيه جرى للدنيا ديا إيه جرى للدنيا .. إيه
ياحبيبي فضلت أصبر لما فاض بي
قلب مين في الدنيا يصبر صبر قلبي ؟؟
ماتحاولش تزيد أسايا إللي شفتو معاك كفاية
صبر قلبي له نهاية مهما طال الصبر فيا
إيه جرى للدنيا ديا إيه جرى للدنيا .. إيه