كلمات أغنية فيق

فيق من نومك فيق
طويلة القصة يا رفيق
ما رح تخلص دغري الحرب
حتى لو فتحوا المضيق
فيق فيق فيق يا رفيق

فيق وعشلك يومين
وفرفش لو حتى بالدين
إذا رح تحكي بالسياسة
بدك تعلق مع التنين
وما رح يبقالك صديق

تفكر لشعبك بحلول
ما بيتفقوا إلا بسهرة
تحت تأثير الكحول
شعب بيعلق كل ما يفيق
عصبي لكن قلبه بريء

حرام شو راحوا ناس
حروب وزخ رصاص
لحتى يفتحوا مضيق
كان مفتوح من الأساس
وكل شي قاعد يغلى
إلا البشر رخاص

فيق وطفي الأخبار
وما في داعي تعرف شو صار
إذا ما مشيت المصالح
ما حيوقف إطلاق النار

زيق ميق زيق ميق
ولا تنسم من التحريض
خلص تخطينا الحضيض
كل مسبة مدفوع حقها
وكله تحويل وتبييض
ولا تنحاز لأي فريق

طعم المصاري مليق
مليق