كلمات أغنية ميم ريم
إنتي ميم وريم وإسمك لايزال
وسط شريان الغلا ياريم ميم
راح بالي وانتي راحة كل بال
أعشقك وأغليك وإنتي ميم ريم
وهج حسنك فوق هامات الجمال
ماعلى الدنيا سواك ومن قديم
مع شموخك ميل جسمك وانعدال
وفي جبينك خارطة عيش النعيم
سالبة عقلي ولك عندي سؤال
ليش قلبي في فضى حبك يهيم
مابقى للفكر مع غيرك مجال
انتشي بك وانت أرق من النسيم
وفي طلوعك كل غيدة في انعزال
البهاء في حضرتك وانت كريم
نظرتك فيها سيوف بلا قتال
ومنطقك فيه العذوبه بالحشيم
امتكلتيني غلا حتى الكمال
واحتويتيني دفا كني يتيم
ينشغل بالي على حد الهبال
وان فقدتك مابقى عقلي سليم
وابتليتيني وله فأبسط مثال
يامثال الحسن طرر وكسر تيم
لك حروف العشق تكتب لك تقال
إسمك بقلبي مسجل ميم ريم