كلمات أغنية قدر قدر
قدر قدر حبك يا اغلى الناس على قلبي قدر
اني اشوفك طيف من حولي وعيني غارقه
احس بك في داخلي طيف على رمش السهر
لو ان عيني من قبل عامين تبكي مفارقه
افارقك جسم وتبقى بي محبتنا قدر
لو ان اغلى شيء في دنيا زماني سارقه
اشتقت لك كبر السماء حنيت يا حص البحر
يا صورة في داخلي عنهم بعيد وفارقه
شوف القدر دونك وانا اللي عشت ايامي خطر
واحس همي ضيف كل ساعة فؤادي طارقه
انت شموخ اللي وصل بالعز اطراف القمر
ونفسي بدونك كم شكت تبكي عتب متضايقه
دامي معاك ما اخاف من وقتي ولا سيف الدهر
دام مرتوي بك شوف وايامي رعود وبارقه
دام ارتوى كفي من ايدينك احاسيس وعطر
ما احتاجت ايديني زهور ولا لوقتي طايقه
في داخلي البوم للتاريخ وايامي صور
اشوفها بميل الغروب وكل شمس شارقه
اشتقت لك كثر الندى ما اشتاق لحضان الزهر
يا اجمل سنين عشتها بالحب كانت وارقه
لكلك اثر فيني وانا لي فيك يا عمري اثر
دامك معي ارقى سماء نفسي طموح وشاهقه
واليوم انا حنيت يا اغلى الناس يا كل البشر
لو ان ما خلى زمان غير جمره حارقه