كلمات أغنية وش عاد باقي

قد لي وانا يا محمد مشغل بالي
ناسٍ جفتني كذا وانا موافيها
كبدي بعد مارحلو كنها على الصالي
وروحي بعد ماجرى الله يشافيها
اتعبت وانا لاجلهم مشقيٍ حالي
والروح من عقبهم جاها ما يكفيها
ان اعرضو لي عرب قام يتهيالي
ذكراهم اللي بوسط الصدر مخفيها
اوقف بحملتي واقول متشالي
والنوم عيني صراحه صار جافيها
احنهم من خطاهم غير ماجالي
ماغير قولة عسى ربي يعافيها
ومن كل شيٍ على ماقيل كافيها
هذي جزاتي اذا ادنيت منزالي
عقبي انا داريٍ محد مصافيها
وش عاد باقي لكم فخذوه من تالي
اذا البدايه كذا وش عاد قافيها
انا بصراحه عقبهم ماني بسالي
ناسٍ على اللي حصل ربي يحافيها
خلهم على فالهم وانا على فالي
مصير الايام تظهر لك خوافيها
والله من عقبهم لاشدد ارحالي
من عقبهم ضاقت الدنيا بمافيها
وهذي رساله تفسر وشهي احوالي
و الله يعين المعنى من قوافيها

معلومات الاغنية
كلمات : محمد الشرفي المري