كلمات أغنية على العهد ياقي

على العهد باقي وللحب باقيين
اصل المفارق ماحسبنا حسابه
ياصاحبي وين انت رايح على وين
جرحي عميق وزايدن بإلتهابه
تقفي وتدري ماتبع الي مقفين
تصد وانا مالقيت الاجابه
ابغي اوصلك رسالة محبين
قفو وانا لي من وراهم طلابه
الوصل نعمه والمفارق عما العين
وحظي معك بذات ماينعدابه
هموم فوق هموم والحزن والبين
في كل ليلن فوق راسي سحابه
كلام من يغليك جاك بخطابه
انا تراني صرت ضمن المجانين
من عقب صدك عايشن في كابه
عزاه ياقلبي ويا حالي الشين
عزاه ياجرحن نزف من صوابه
لاغاب عني زود الجرح جرحين
وارقب طوال اليل جاري الكتابه
امسح شطر واكتب شطر واسهر الين
يبين نور الصبح ويفج بابه
انا تراني من رجالن مسمين
انشهد ان لي في المواقيف لابه
لانتبع المقفي ولا حن براجيين
مانتبعه لو كان طول غيابه
وانتي ترا بنت الشيوخ السلاطين
اهل المواقف والقسى والصلابه
من له يشوف بعين مالد له عين
لو كان غالي مارجينا جنابه