كلمات أغنية الله يسهل طريقه
كانت الدنيا تساهيل ومسره
قبل اعرف اقصاه واعرف الحقيقه
ليت قلبي سطحي ادنى مايغره
العميق جروح خذلانه عميقه
والطواري ماوراها الا المضره
تبدي السجه وتقفاها بضيقه
اشغلوني بالحكي خيره وشره
ولا شوفو لي لنسيانه طريقه
ياوجودي والعمر ماغير مره
اخذو عشر سنين واعطوني دقيقه
امنع الصدفه عن دروب تمره
واسلم بقلبي وماضيه بحريقه
قد سمحت من الهوى حلوه ومره
لو هبوبه شرق وانسامه رقيقه
واضمى روحي تحت وبل التشره
محدن من دموع عينه بل ريقه
كنها هوية شهاب من المجره
دمعة العاشق على فرقى عشيقه
وكني انزع ضلع صدري من مقره
يوم اقول الله يسهله طريقه
اولله ماهوب صفطان ومبره
مير درب الهون نفسي ماتطيقه
الكرامه غاليه والنفس حره
من تراخصها رخص عند الخليقه