كلمات أغنية وصلت البلد
وصلـت البلـد ماكـن وسـط البـلـد سـكـان
بعـد مـا لاحظتـه اسمـع اهـلـه ينـادونـه
ضحى امس الخميس اللي من البيض زولـه بـان
تـرى مـن تولـع بــا الـهـوى لاتلومـونـه
عسى الفولفو اللي قاصـد يشيـل حـدا الخـلان
يـوصـل ديــاره ثــم يشـتـب طبلـونـه
تـذوب الجنـوط ويحتـرق موتـر الشيـطـان
لأنـه حـرم مظنـون مـن شـوف مظنـونـه
يسوقـه شـبـاب بـايـن الـشـوق بعيـونـه
يزيـد الابنـص وتـاكـي مـاسـك السـكـان
يعيـد العـدد يـأخـذ ملـفـه عـلـى هـونـه
يأشـر تعـدوا قلـت مـا ترحـمـوا الولـهـان
انــا فــي دخـيـل الله حبيـبـي تخلـونـه
وقفـت انتخـي جونـي جماعـة مـن العتبـان
فقـالـوا نهـيـنـه فـقـلـت لالا تهيـنـونـه
يـودا المطـوع قـال لـه مـوتـرك عـدمـان
لكـن رح للوكالـة يمكـن القـسـط يمحـونـه