كلمات أغنية العجوز
ول ياعجوز ما تفارق بابها
متولمه لاهل الهوى بمشعابها
عجوزشمطاء لارحم من جابها
لو توصل السكراب ماجابت ريال
تلبس خلاقين شرتهم عهد نوح
تقول جثه هامده من غير روح
ماتوا رفايقها وهي عيت تروح
ان اشهد ان الموت معطيها مجال
موديلها ماعاد يوجد فالبلاد
تحكي لك اخبار العرب من عهد عاد
من شافها مايهتني بحلو الرقاد
ويطول ليله كله احلام وخيال
لاجت تسولف كشرت بنيابها
واللي يقرب يمها يبلابها
ياما حبايب تفرقوا بسبابها
ماشغلها الا قالت افلانه وقال
قلت السلام وقالت ابعد وش تبي
قلت اذكري ربك وصلي عالنبي
عابرسبيل وعهدتي في مذهبي
مانيب طالب ياعجوز ابليس مال
اعطيتها دينار قلت اتفضلي
هذي طريق ياعجوز تجملي
واللي تبينه امري وتدللي
قالت تفضل واسترح يابن الحلال
سالتها عن جد جدي وين كان
قالت عرفته والوكاد اسمه فلان
كنا قصرى وياه في ذاك المكان
مازلت ذاكر قصته والوقت طال
عطيتها اسراري وغايه مطلبي
اثر عجوز ابليس تبغى مقلبي
شفت المكيده قلت يارجل اهربي
ياما العجايز ورطن قبلي رجال