كلمات أغنية صباحك فل
- كلمات
- اسلام المصري
- ألحان
- عمر كمال
شبعنا كذب كفايه حوارات
في عيونكو خمسه خمس مرات
عاملين حبايب يا حبل دايب
انتو فحياتي اسوء الفترات
صباحك فل ياللي حابب سقوطي
دمار عالكل انا مستني موتي
انا ماليش حل واسأل اللي قبلك
انا بضرب ما بستخدمش صوتي
مافيش مبدأ كله واكل في كله
انا مقولتش بس اكيد واصلو
دا لو شوفتو والله انا مش هحلو
ماليش جدعان وقت الشده واقفه
دا كلو جبان لاء تستاهلو سقفه
انا اللي زمان منكم حذروني
وقولت اخواتي خذلوني وباعوني
انا اللي اديت فرصه لناس لمامه
دول اصحاب فيك حتى في الابتسامه
ومهما وفيت هتشوف غدر ياما
وجرح غويط سايب 100 علامة
نعيش ونشوف ابطال عالمواقع
شباب متلوف خارج اي واقع
حريم وكيوف مزه وشوب ساقع
عملتو اسود طب ليه جيبتو راجع
ما تستغربش ايوا انا لسه صاحي
انا مابهربش انا مسنون سلاحي
عارف كام شخص عقدتهم نجاحي
فبنجح غصب واحلى صباح صباحي
بنعشق موت وندمن هم قاسي
مفيش مبسوط محدش قلبو راسي
بنام مكبوت وفي حوارت في راسي
فاكر خيانتهم وعامل نفسي ناسي
اسامحك آه بس انساك لا لا لا
تملي معاك بس انتا اشتغالة
هنا وهناك معروف بالندالة
لئيم لاكاك عيشت حقود وعالة
ماليش في الشر بس لقيتو جالي
بقيت مضطر اجرح لا أبالي
لأجل الحر يرخص اي غالي
وزعلي دا مر اسود من الليالي