كلمات أغنية على اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
نسهر على حبها بالفن والاحساس
نسهر ودمع الحماس يملالنا تاني الكاس
واحنا يا حلوة فدا واحنا يا مصر فدا
واحنا يا حلوة فدا والله يا مصر فدا بس اطلبي وقولي
على اسم مصر التاريخ يقدر يقول ما شاء
مصر السما الفستقي وعصافير معدية
والاولة مملية ع الشباك مندية
مصر النسيم في الليالي وبياعين الفل
ومراية بهتانة ع القهوة ازورها واطل
نسهر على حبها بالفن والاحساس
نسهر ودمع الحماس يملالنا تاني الكاس
واحنا يا حلوة فدا واحنا يا مصر فدا
واحنا يا حلوة فدا والله يا مصر فدا بس اطلبي وقولي
على اسم مصر التاريخ يقدر يقول ما شاء