كلمات أغنية اسف

يا نفسي اللي من الغالين مخذولة اسف على كل جرح جاك من غالي

ما انتي بعلى كل ما سويت مسؤولة انا الولي و الولا للواحد الوالي

طاوعت قلبي وقلبي راح برجوله و القلب لا حب ما يفكر ولا يبالي

عز الله اني كسبت اثمك و منهوله لواحدن مادرى عن وضعي الحالي

مشغول في ناس ما هي في مشغولة مدري متى تنشغل فيني و تفضالي

حرصي عليهم مثل حرصي على الدولة اللي بوصي عليها بكرة عيالي

كبدي من الحب و الاحباب مدبوله لاواهني الفؤاد الداله السالي

وشهوله اكتب بيوت الشعر وشهوله و اقول يا وجد روحي ويا بري حالي

عليك ياللي عليك الروح مجبولة يا مذوقن قلبي من المر و الحالي

مادام منته بحولي ولا انته بحوله غير الجماهير تسمعني وتقرلي

معقولة ما جابتك لشواق معقوله الظاهر انك محصل واحد بدالي

ترى جميع القصايد فيك مقيولة و لولا محبتك ما جريت مولي

كفي من مصافح الباقين مغسولة مالي نظر في محبة جيلنا التالي

القلب ما فيه غيرك يفتح قفوله من يوم ما رحت و هو مثل الخلا الخالي

اخذ الكلام الصحيح اللي على اصوله ان كان ما جابك الله بقعد لحالي