كلمات أغنية رؤية بطل

يالله يا فالج من الليل الاصباح
يامدبر خلقك على ما تريده

انصر ملكنا واحفظه وين ما راح
بارك لنا يالله بعمره وزيده
يامرحبا به عد ما بارق لاح
في موطن ما كل رجل يسيده

الا الذي عنده للامجاد مفتاح
والعز كله والشرف في رصيده
دليلة في غبة اليم سباح
عوص الامور الكايدة ما تكيده
حرز قوي عزوم صاطي ولماح
فرز الوغى سيف الوطن والعقيده
محمد اسمه تاج للشعر ووشاح
ووسام لصدري وصدر القصيده

طويق نجد ان كان ينزاح ينزاح
لو حاولو ما حركو فيه حيده
في رؤيته نصر وتباشير وافراح
راهن عليها والنتيجة وكيده

خلت حمام الورق والدوح طياح
ينزف لحون الضيم حدر الجريده
وطير السعد لاغلى بلد رف بجناح
يطرب مسامع مملكتنا نشيده

رؤية بطل تسمو من انجاز لـنجاح
تبقى على طول السنين المديده
واضفى عليها من قيمنا التليده

وبالحق والاخلاص والرفعه آشاح
عن وجهها يوم استدارت بجيده
يا ام الجبين اللي كما النور وضاح
تفاخري بين الامم يا مجيده

يادارنا نفدي ترابك بالارواح
وش عاد لو يامر على الشعب سيده
عشناك يوم الجوع لارجاك مجتاح
قبل تعيشين الحياة الرغيده

ما همنا من ينطح الصوت بصياح
يشهد لنا الله والمواقف شهيده
حنا هل العوجا على سنان ورماح
امروية حدب السيوف الحديده

في الغابه اللي كلها وحوش وأشباح
لنا الاسد والنمر والذيب صيده
ما نركب الغارات والشوف ما انباح
ولانطحن الا حب روس عنيده

ايديننا ماهيب بقصار وشحاح
تعطي ولا تعطي العطايا الزهيده
دون الوطن ياما من الدم قد ساح
منا ولى هالحين ماجف بيده

صبو من اللي بنها تو ما فاح
ما عاد باقي غير جملة وحيده
تطيح روس وبيرق العز ماطاح
شامخ يسلمه الحفيد لحفيدة