كلمات أغنية خشم الريال

المشكله اللي حلها خشم الريال ادعس علا خشم الريال وحلها
مال بليا عز ماهو راس مال لو صاحبه حاز المراجل كلها

مدام دنياك الدنيه للزوال الله ولاظيم النفوس وذلها
لاتمشي برجلك علا درب الخمال رجلك علا اللي مايعز ارطلها

لوتعجبك بعض البشر يبن الحلال القحويانه مايظلل ظلها
ترا البدر لو يكتمل يرجع هلال ماغير عينك في اكتماله سلها

ولا السراب يحسبه الظامي زلال يبطي وكبده تتبعه ماملها
رجال للسلوه وللفزعه رجال والكايده ماكل احد يشتلها