كلمات أغنية عضيد القسي
- كلمات
- فهيد بن كحله
- ألحان
- علي ال شقير
مهداه الى
نايف محمد الجميحي ال مهدي
يقولون رد الطيب بين النشاما دين
وانا اقول مد الطيب واجب علي رده
احب الكفو لوكان يذكر من الاقصين
لو انه ما يعرق بي ولا جدي بجده
اعرف الرفيق اللي فعوله تشوق العين
حريب الردى والى بدى اللازم يسده
وهذا ذخر منهو قاسي الوقت جاء ضده
امجد فعوله يوم هو فاللزوم يبين
وضعيف الروابع غير ماندي بنده
حدن نذكره في الكايده والزمان الشين
وحدن في الامور الهينه ماحن نعده
عسى الله يطول في بقى حضرت الوافين
وعسى اللاش وابن اللاش ما ربي يرده
وعسى الله يطول في بقى نايف ابن حسين
صتيمه وحر صامل يعجبك هده
عضيد القسا ماهوب وقت الرخا واللين
هذاك الجميحي لابدت ساعة الشده
ولو ان الكرم له ثوب شفته ع قده
ابو تم وابشر وانتهى حاضر وذلحين
يحب الجميل ويفعله ما يبي رده
خذا والنعم غصبى وكل العرب دارين
رضى من غدى وده ابا من غدا وده
عريب النسب ومعرب الساس والجدين
من ال مهدي واخذ الخبر عني ورده
كرام الوجيه اهل النقا والوفا الغالين
افاخر بهم في الطيب كنهم من البده
من ال مهدي واخذ الخبر عني ورده
اهل صمله وقفه والى جا اللقا عسرين
واهل خوه وجيره وتقدير وموده
واهل فزعة تاتي على كل وقت وحين
الى جاهم المبلي وضاقت به العده
من ال مهدي واخذ الخبر عني ورده
واهل ماضي مجده ما يحصونه الراوين
ولو قلت ما قلته بيصعب علي عده
اي بالله عبيده صدق حماية الحدين
عاد ان الليالي بين هجمات مرتده
قبل ياتي معزي يوحد بلاد الدين
لك الله يا كم واحد تربو خده
هذولا عبيده يوم عاد الوغى طاغين
وعلى وقعهم يشهد لهم من غدو ضده
هذولا قحطان اللي على الطائله عجلين
مثل موج بحرن يلتطم جزره بمده