كلمات أغنية ضفاف الليل
- كلمات
- العنود ال ثاني
- ألحان
- علي الواهبي
على ضفاف الليل تنساب الأحلام
وكن الهوى قامت تهادى طيوفه
اقلط وقلبي لك مثل بدو كرام
ارحب هلابك وانت اغلى ضيوفه
طاريك شوق ينعش القلب وهيام
وذكرك له النفس العزيزه شغوفه
نرسم أمل ونقول الأفراح قدام
عل وعسى المشتاق يرتاح جوفه
يااغلى هوى بالقلب عيني تشوفه
ومن يامن الدنيا ودورات الأيام
وإلا الدهر لامن دهتنا صروفه
لكن غلاك يقر الأجفان وتنام
عيني وهي للنوم كانت عيوفه
وتهب نسمات الغلا وكن الأنسام
تنثر بقلبي أمن وتزيل خوفه
وأمشي بدرب الحب واحث الاقدام
واكسر حواجز كل زماني واطوفه
والقى مكان غايم وروض وخيام
روضة غلا بأشواق قلبي محفوفه
غيم يصب الشوق وألمس كفوفه
لوحة غلا قلبي لها صار رسام
ريضان حب ماتورات طيوفه
سحابة تمطر غلا والمطر دام
سيل جرى والزرع زانت قطوفه
أحلام حققنا وماصارت أحلام
حكم القدر وأمر الزمان وظروفه
معلومات الاغنية
كلمات العنود آل ثاني
قانون محمود قمري
نــاي محمد مصطفي
توزيع موسيقي وجيتارات احمد محروس
مكساج وماستر محروس عبدالله
تسجيل استوديو مقامات اياد نجيب
جرافيك ناصر البقمي Nasser I
توزيع ديجيتال الفان ميوزك