كلمات أغنية كناريا وشركاه 2
دي دمعه من قلبي على الخد جاريه
ولا دي بسمه نسمه في مسامي ساريه
لا لا دى ارواح طاهره طايره ف براح
وذكرى عمر ف توهه وف توبه راح
يا قلبى عيش مع زقزقات الكناريا
بين دنيا دايره جروحها في روحنا غايره
واماني فايره في دنيا تانيه مغايره
فيه قله جايره وقله غايره ومعايره
والناس مسايره وحايره او فاهمه قاريه
ويا قلبي عيش مع زقزقات الكناريا
بين رهبه م التوهه وتوبه برغبه
سددنا دينا وغيرنا اغنى واغبى
وقلوب مصاحبه الحق صاحيه ومشاغبه
وقلوب تدوب في قلوب ولا هيه داريه
ويا قلبى عيش مع زقزقات الكناريا