كلمات أغنية وحده بوحده

هي وحده بوحدة يا بادي الصده
وإذا تبي تزعل أشرب بحر جدة
دايم تحداني تجحد وتساني
واليوم يا اناني صبري وصل حده

كان الهوى غلاب واليوم شفيّ طاب
لا تبحث الأسباب وموضوعنا سده
كأنك تبي غيري مسموح يا طيري
طّر وين ما تطيري روحه بلا رده

لأتقول أنا ملهوف راعي الكذب مكشوف
لو هو كثير حلوف ودمعه على خده
ذنبي معك وأفي يالجاحد الجافي
من ما جرى كافي الروح منهده

بكرا تذكرني ترجع تدورني
دايم تصورني في حزة الشدة
خل الدموع تبين بـعيونك الثنتين
وتذوق سم البين لإطالة المدة