كلمات أغنية جميل وفاتن

جميل وفاتن ولكن ما تروضني
فؤادي اكبر من انك تجرحه ثاني

تحسبني تايه على كيفك تركضني
يوم معي صافي ويومين تنساني

ارفض غرامك انا قبل انت ترفضني
ماني غشيم احطم باقي وجداني

وماني بناسي زمان كنت ممرضني
كنت الجروح الاليمة وقمة احزاني

ماكنت اظنك انا بالرخص تعرضني
ولا هقيتك تسبب همي واشجاني

وفي سكتك لا تحاول انت تفرضني
ماني بماشي في درب فيه نكراني

صعبة انا اعود لك واضمك بحضني
وش لي بهمي وعذابي وخل اشقاني

جميل ولكن جمالك ما يروضني
فاتن ولكن ابد ما تجرحن ثاني