كلمات أغنية قدر قدر

قدر قدر وأنا أنا بين المعاني والشعر
اكتب على البحر الطويل ولي مشاعر غارقة
مر العمر وأنا أحاول ارضي إحساس البشر
ونسيت نفسي وانصدم وين الفرح من سارقة
وأنا أحاول أرضي العالم ولو تطلب نظر
والعمر يمشي والسنين تمر تقفي بارقه
أعطي على قد العطاء ولا انتظر مدح وشكر
وإذا عطيته شي أعطي بـ نية صادقة

من بوظبي ودبي أنا كلي وأنا كلي فخر
وأنا من الصوبين عزو ولي معاني شاهقة
أطيح لكن طيحتي تبقى على سطح القمر
في داخلي عالم له وإحساس وطيوف وصور
في كل يوم تمرني أشياء كثيرة عالقة
فيها فرح فيها حزن فيها ضمى وفيها مطر
الله يا محلا اللقاء و يا حزن الناس مفارقة

يا اللؤلؤ الصافي أنا للطيب باقي لك أثر
ذكراك ما تذبل بعين اللي تحبك وارقة
احن لك وأحن لك وأحن يا حص البحر
وأحتاج لك وأحتاج لك والشوق قلبي سابقه
في قلب روضة لك مكان وقصر ع مد النظر
أرواحنا دامت على الذكرى وله متعانقه
في وحدتي أحتاج لك وأنسى أنا كل البشر
وأشوفك بعين الفرح ما دام روحي ضايقة