كلمات أغنية تواصيف الاشعار
الصمت ابلغ من تواصيف الاشعار
قدام زينك هاللي صعب ايتشبه
زين يبي له من الفضا وصف وافكار
و ما مثله الا بكوكب الارض حبه
ياعيونك اللي تخطف الباب وانظار
و يا وجهك انتي الف سبحان ربه
يسعد جمالك هاللي تحرسه الاذكار
و محال عين اتشوفه و ما تحبه
بك من سمو الغيم ومن جود الامطار
اصل رفيع الساس و عذب مصبه
و بك رقه تدعي نعومتها الازهار
ان مرها ظلك عليك ايتنبه
خذتي من الامهار وقفات الامهار
و عنوق الاريام اللي رسمتها صبه
ونظرات حر مرقبه فوق الاوكار
وبسمه يقال انها دوا الحزن وطبه
مصيونه في قلوبنا صغار وكبار
دانه و في محاره وسط غبه
مريم ومن مثلك يامريم في هالدار
وانتي القمر يفرح اذا بك تشبه