كلمات أغنية دروب الهنا
- كلمات
- تركي عوض
- ألحان
- عبد الرحمن حمود
يا اول دروب الهنا قرب ابيك
طال انتظاري لك على سكه عنا
انا اختياري بك قبل لحتار فيك
وانا احتياري فيك بدايه فنا
اموت بك واموت لك واموت فيك
لك حب في قلبي تشكل وانبنا
اتذكرك واتفكرك واشتاق اليك
واحن لك وانت هنا وانا هنا
ماتدري ان الناس تحسدني عليك
وماتدري اني حاسد نفسي انا
من كثر ماحبك واودك همت فيك
لا غبت عن عيني اقول الله لنا
الله فرق والله جمع ايدي بيديك
حلو العنا لا صار من بعده هنا
خذني على درب المحبه بين يديك
وباخذك عشق الى حد الفنا
انت المحبه والوفا وانت الشريك
القلب غصن في محبتك انحنا
عسى السعاده تجتمع في راحتيك
واعيش معك العمر ياعمري انا