كلمات أغنية خليك معايا
- كلمات
- عبدالمنعم السباعي
- ألحان
- محمد الموجي
خليك معايا
خليك يا نور العين يابو رمش ساحر
وحياة عنيك الاتنين بلاش تسافر
خليك معايا
خليك معايا ياللي منايا كله هناك
هأعيش لحبك وأقول لقلبك قلبي فداك
والشوق في قلبي بينادي حبي
ويقول معايا
خليك معايا
خليك معايا تلقى هنايا في دموع عنيه
ده لكل شمعة في الفرح دمعة لكن هنية
دا الشوق في قلبي بينادي حبي
ويقول معايا
خليك معايا
خليك معايا اسمع ندايا كله حنين
ده الحب نظرة والعمر مرة مش مرتين
والشوق في قلبي بينادي حبي ويقول معايا
خليك يا نور العين يا بو رمش ساحر
وحياة عنيك الاتنين بلاش تسافر
ويقول معايا
خليك معايا