كلمات أغنية خايف مره احب
- كلمات
- مأمون الشناوي
- ألحان
- بليغ حمدي
- السنة
- 1961
استمع إلى أغنية خايف مره احب على الفن
خايف مره احب
خايف مره احب وعارف ليه انا قلبي خايف
شفت الحب بيبكي ويضحك ماله عيون وشفايف
بس لو الاقي اللي احبه واللي قلبي يروح لقلبه
واللي ترتاح روحي جنبه يومها عمري ما ابقى خايف
خايف اني احب وخايف ينسى الحب يوم يقابلني
خايف اجرب خايف اهرب خايف اقرب يبعد عني
ناس من الحب شافوا اسيه وناس اتهنوا
خايف يقسى الحب علي خايف منه
واندم لو حبيت وقسيت واندم لو عمري ماحبيت
بس لو الاقي اللي احبه واللي قلبي يروح لقلبه
واللي ترتاح روحي جنبه يومها عمري ما ابقى خايف
الدقيقه من حياة الحب عمر في عذابه وف هناه
الابتسامه من شفايف الحب فجر يسعد العاشق ضياه
كل كلمة من كلام الحب امر لسه ماسمعتش نداه
اندم لو حبيت وقسيت واندم لو عمري ماحبيت
بس لو الاقي اللي احبه واللي قلبي يروح لقلبه
واللي ترتاح روحي جنبه يومها عمري ما ابقى خايف