كلمات أغنية أقداري

معاه الوضع يبغاله على كثر الندم تصحيح
وأنا راضي بصداته ولو شانت بي أقداري
أحبه وأسرد أفكار المشاعر والغلا تلميح
وألمّح له ويضحك لي كذا رده وأنا داري
أحسه داخل عيوني رقى لكن غلاه يطيح
وبُعده دايم يشتت غلاي ولمة أفكاري
حسبته يشكي غيابي ويشقيه القهر ويصيح
وأقدم دايم لنفسي عشانه باقي أعذاري
وأساير كثرة أعتابه وأصارع كثرة التجريح
كلامه في وسط عوج المحاني شب لي ناري
حرام أحلامنا صارت خساره في مهب الريح
ولا بعده بقى شي ٍ أبيه ويلفت أنضاري
وأعاني لين مابوحي كشف للعالم أسراري
الا ليته معي همه أذا ماشكي عناه يزيح
ويخفف من عنا قلب الجريح وياخذ بثاري