كلمات أغنية اروني بالحب
- كلمات
- سامي بن عبدالله ال إبراهيم
- ألحان
- عبدالله بوجديح
يا صباحي وانتي فل وياسمين
موطنك قلبي وتسكن وسط عين
قبل اعرفك كني ما عشت السنين
ابتدا عمري معك حب وجمال
لا تلاطف غيري وحبك هنا
شوفتك عندي من اسباب الهناء
يا عيون الود مليت العنا
لي متى وانا انتظر درب الوصال
اروني بالحب ذابحني الضما
لي متى وانا انتظر عذب اللما
بعدما حبك طواني بعدما
عن لهيب افراقك ابغى لي ظلال
غربتي منك وانا لجلك سعيت
في محيط ارضاك لكن وش لقيت
بس همي لا انتهيتك ابديت
يا جميل الوجه يا باهي الدلال
ليه تهجرني وتنساني كذا
وانت طيب ما يجي منك الاذى
طلتك وردة وماليها الشذا
هو متى ترحمني يا صعب المنال
في الصباح اتخيلك وان جيت انام
طيفك يسهر عيوني بالغرام
واستلذ بطلتك حلو الكلام
هكذا حالي معك والحال حال
خل من يحكي على قيل وقال
لا يجي من بيننا شك وجدال
شمس حبك لا يطويها الليال
واشعل اشواقك من اشواقي تعال
ادارة اعمال : راكان المطيري