كلمات أغنية الغالي

الغالي اللي منقفل دون الباب

عيت مراسيل المحبة تجيبه

وكتبتله شوقي على صفحة كتاب

والشوق يجمع من يحب بحبيبه

لكن بلا مردود مقنع ولا اسباب

اقفا وانا ادعي يا عسى الله يجيبه

القلب بعده بالمعاليق منصاب

مخطر من سهوم المنيه تصيبه

اشوف مالي عن مواصله مجناب

هو صاحب الجرح العميق وطبيبه

حل الفراق وكنه سهوم وحراب

وسط الحشا عقب جروحا عطيبة

غيابه اللي ما حسبنا له حساب

مدري قرادة حظ والا مصيبة

لو انها بالحرب ومداحم اجناب

اخذتها بالطيب الا الغصيبة

لكن هذا المكتوب ما عنه مجناب

واللي كتب للعبد لازم يصيبه

كلمات / عبدالرحمن جديد القصيري

الحان / عبدالله بن سعيد

النوع / شيلة

فيديو ارت / المصمم الفخم

انتاج / عبدالله بن سعيد

سنة الانتاج / 2022

تاريخ الطرح الرسمي / 05/03/2022