كلمات أغنية و عمر بن عضيب لحظة فراقك

مرني ليل بدونك غير عن باقي الليالي
كنه اول ليل يحاصرني من اربع جهاته

غاب نورك وانسرق من صحبتي حتى ظلالي
لين هذرى دمع ابطى ما تحرر من سكاته

سل روحك يا حبيبي ولا انا مانيب سالي
انت في بال تفاصيلك تلطف ذكرياته

لو تفارق واقعي ما ودي تفارق خيالي
ودي ان قلبي يعيش اللي ما عاشه في حياته

بعدك الضحكه لها حال سقيم وثوب بالي
ضحكه اللي ما يبي هزيمته تربك ثباته

ارسم الفرحه على وجه من الامال خالي
والفرح على بساط الحزن حزن ب حد ذاته

ادري ان لحظه فراقك فوق صبري واحتمالي
بس انا فوق انتباه الحاقد وعين الشماته

مستحيل ترجع الدنيا مكانه شخص غالي
ساعه انه طاح من عيني مثل ساعه وفاته

لا انتهى عمر الغلا واقفت عن ديارك رحالي
لك يمين بالله اني ما اتنازل ب التفاته

صده الخذلان ما فيها غرور ولا تعالي
يتجرع مرها اللي حبك ب كل استماته

هارب من الكلمه اللي لو قدرت تقولها لي
وين بلقى كلمه تبعث شعوري من رفاته

ودي ارحل ب الحياه الباقيه وابقى الحالي
قبل اصير الميت اللي ما يعزى في مماته