كلمات أغنية لا عاد اشوفك
- كلمات
- بسام بن عشق
يا ساهرين الليالي لمتى ساهرين
ما فادني قبلكم جهدي وكثر سهري
اثر الليالي شقاها في هوى العاشقين
اسهبت فيها ودارت بي وجات بخبري
ما احب بين واثرها في عيوني يبين
اتعابها دايره فيني ما دار اشهري
كله من اللي عيونه تسحر الناظرين
ابو العيون الوسيعه والقوام الطري
عطيته ايام عمري كلها والسنين
وعطيته كفوف يدي ما عطيته ظهري
بالحب جيته معي كلمه ما هي كلمتين
على النقا والمحبه ماني بمفتري
ابيه يعرف غلاته غير عن الاخرين
وابيه يفرق عن البايع مع المشتري
ومادامه الواحد اللي معي في كل حين
ابيه يسمع كلامي لا يجيب قدري
ايه انت يا اللي عيونك تلفت المعجبين
وش فيك دايم تشكك بي تزيد اقهري
لا عاد اشوفك تشكك دام حبك ثمين
تبقى على جرحتي يا زين ما انت ابري
الوقت لا صار ضدي قلت ربي يعين
اما انت لا صرت ضدي قل لي ويش احتري
ما ابيك فيني تسمع هرجت العاذلين
ابيك دايم تواجههم بوجه جري
لو نستمع فالكلام انضحك الشامتين
اضحك عليهم وانا بضحك يزول خطري