كلمات أغنية من فوق برج الجزيره
من فوق برج الجزيره الله الله على سحرها
بلد العز الكبيره العاليه عمرها
وشواهد مجدنا وبشاير سعدنا
من ماضى عهدنا شايفها من هنا
من فوق برج الجزيره الله الله على سحرها
قدامى الاهرمات بتحكى المعجزات وتتحدى الزمن
وابو الهول الامين من الاف السنين حارس ع الوطن
وبعد طول سكوته نطق وسمعنا صوته
ملا بالنور عنينا وحكى لنا عن ماضينا
وامجادنا الكبيره والدنيا فى مهدها
من فوق برج الجزيره الله الله على سحرها
وفى حلوان وشبرا انا شايف نهضه كبرى ومصانع ع المدد
ثورتنا انشا تها وبهمه دورتها ايدين مالهاش عدد
ايدين ابطال زراعه وايدين ابطال صناعه
والمد الاقتصادى رفع اعلام بلادى
بين كل الامم الكبيره وبقينا زيها
من فوق برج الجزيره الله الله على سحرها
ومن بعيد يا قلبى شايف ايدين حبايبى بتعلى فى البنا
بدعى واقول ياربى بارك جهاد قرايبى ونولنا المنا
بدوله الكرامه والعزه والشهامه
الهى يكون ناصرنا ويكون جمال ناصرنا
وامالنا العظيمه يارب تمها
من فوق برج الجزيره الله الله على سحرها