كلمات أغنية العيد انتي

الشوف مايكفي عن الذوق ي سعود..
ولاتنطفي اشواق قلبي ولهبها..

عسى القصيد إللي بدر مني ايفود ..
لو لا غلاهم الحبر ما كتبها ..

العيد انتي والفرح والهنا يعود..
تسوي العيون ومقلتي مع هدبها..

يا ما سرينا والعرب كلها رقود..
فذيك الليالي اللي تلاضي سحبها..
فوق الذي مشيه على الميل معدود..
مهما المسافه طولت ماحسبها..

وذيك السوالف والهنا ونغمة العود..
ياسعد منهو بالمحبه كسبها..

بيني وبينه خط مكتوب وعهود..
بدموع عينه كل ورقه كتبها..

وبيني وبينه وقت ماضي ومشهود..
ما نفترق ولا تحمل عتبها..

الزين عن زين المخاليق مفنود..
وحتى الأدب ياخذ تعاليم ادبها..

يا سعود ليتك في ضحى العيد موجود..

والعين حورا بالكحل ماتبا زود..
وجمر الشفايف دوم والع حطبها..

هذا ولك مني عن الحب مردود..
وسلم على اللي ظل خده هدبها..

معلومات الاغنية
كلمات :: عثمان الوحشي
اداء :: عبدالرحمن الغريبي
تسجيل :: مازن الشندودي
مكس وتوزيع :: هشام النفري
فيديو :: محمود الشعيلي
متابعة :: المفارق