كلمات أغنية نحمد الله على السلامه

نحمدالله عالسلامه يالسيـل العارم … أنورت ماطاك الجزيره يالغدير

ماتشوف الشـر يااخو حامي الحرم … جعل نفح الهم يمسحه العبير

والدي مأجور والبـاس انصرم … المقدر عـالم ٍ فيـه القدير

المـشاعر أرهقت راس الـقلم … والقوافي جتك من قلبي تسير

الدعـاء لرب العباد اللي عـلم … مابقلب الشعب من هم ٍ كبـير

انت الأول شاهـق برؤوس القمـم … سايد ٍ مالك على البيدا خشـير

وانت قاس ٍ للعدو مثل السهـم … ذروته صلبـه ومفعوله خطـير

المـهـند انت في وقت الضيـم … وانت يا الزيزوم يا سـيف ٍ شطـير

وانت نور الشـمس في وقـت العتم … وانت شـوف ٍ كاسي ٍ عين الضرير

يا مـساعد المـلهـوف يا نسل الشـيم … يا منقذ ٍ من غبة الأمر الخـطير

يا راعي الـفزعات يا مغيث الأمم … يابو خالد يا مـجير المستجير