كلمات أغنية طال انتظاري

طال انتظاري وطولت لحظة رضاك
يكفي غياب ارجوك ما عدت قادر
الى متى بتغيب واحتاج ملقاك
والى متى زعلان مني وهاجر

اقول بكره ينتهي الهم والقاك
يطلع علي الصبح واقول باكر
ضايع بدونك بين همي وذكراك
انا اعترف بالضعف ما اقدر اكابر

اعيش انا باحساس ما اظن بكاك
واخفي دموعي لاجل بعض المظاهر
الصمت بيت ودمعتي الف شباك
والهم باب وغيبتك الف زاير

ارجع اخاف القلب في البعد ينساك
ما يستوي في الحب غايب وحاضر
اختار بين اثنين قربك وفرقاك
يا تموت الحرمان ولا المشاعر