كلمات أغنية ساعة الحزم

يوم دقت ساعة الحزم وبغاها .. سيدي عدل ووقف للظالمين

دعوتك ياسيدي حنا معاها .. مالنا وارواحنا لك فاليمين

***

نطلب الجنه ومانطمع سواها .. طاعة الله ثم امرك طايعين

من صقور الجو اول مبتداها .. طارت اسرابك ترد الغادرين

دكت حصون المعادي مع ثراها .. لين يرضخ غصب للحق المبين

طايرات الحق يوم الله وقاها .. يمتطيها السالمين الغانمين

***

قادها من ذمته محدٍ شراها .. يوم غيره في ذممهم بايعين

الصقور بربع ساعه في سماها .. عقبها الغدار مكتوف اليدين

دارنا والنفس والغالي فداها .. ما بنا غدار او خاين يمين

والجنود ان شدت الهيجا وغاها .. ماتشوف الا علوم موحدين

***

يحرسون الارض من خاين نواها .. صف في وجه المعادي واقفين

عشت يا سلمان ورجالك تراها .. دونك الطوفان والحصن الحصين

يوم دقت ساعة الحزم وبغاها .. سيدي عدل ووقف للظالمين

دعوتك ياسيدي حنا معاها .. مالنا وارواحنا لك فاليمين