كلمات أغنية اه انا ونيت من اقصى الضمير
- كلمات
- فالح
- ألحان
- عبادي الجوهر
آه انا ونيت من اقصى الضمير
مخفيٍ حبي ولا ادري ويش اقول
والله إني صابرٍ وامري خطير
قانعٍ بالصبر لو صبري يطول
يا سعد والله فلا ادري ويش يصير
لو اصرح بالهوى قيل مْهبول
من هوى ترف القدم همي كبير
مثل زوله ماظهر زولٍ يزول
في هواه يقودني سلك الحرير
لو عذلت القلب ما طاع العذول
يابو تركي لو يجي منهم بشير
انفتح قلبي مثل ريع الحجول
الفراق يصير في وقتٍ قصير
ليت من يدري متى جمع الشمول
حارت الرجلين عيت لا تسير
كن يوم الهجر عن عشرين حول
صرت لي يا زين في عقلي خشير
يا ربيع القلب من عقب المحول
صابني رمح الهوى مالي مطيل
لكن السالم من الموت مْعذول