كلمات أغنية طلت ع الحاره

طلت ع الحاره

لما طلت ع الحاره .. ضكتلا كل حجاره
نزلت نزلت ع مهلا .. بتشرقط مثل النارا
طلت باللون الكحلي .. قلوب الشبيبة تغلي
فستانا طاير طاير .. الله بيعلم شو صاير
لولا ربطة زنارا ..

بغمزه حلوه وبغنجه .. سألت عني الدكنجي
فلا بيتو ع العالي .. تاني مفرق ع شمالي
بعد اول اشاره ..
وصلت دقت ع بابي .. فتحت امي البوابه
صارت تفرك بإيديها .. وتدبلا بعينيها
تساير ستي الختياره ..

سألتها شو بتريدي .. بتشتغلي بشي جريده
صارت ملبوكه بحاله .. مش عم يخطر ع باله
شو بتقلا محتاره ..
بين الغصه والغصه .. حكيتلا كل القصه
قالت ابنك حبيتو .. جاي الليله ع بيتو
بدي اعملو زياره ..

غمزة عينا حنونه .. دابو عيونا بعيوني
سبحانه اللي عاطيها .. من الحساد بيحميها
بتضو مثل المناره ..
يا عالم توبتني .. وبخصرا جننتني
بجمالا دوختني .. بالاخر علقتني
مثل السمكه بسنارا ..