كلمات أغنية طل القمر
- كلمات
- عمر ساري
- ألحان
- طوني قطان
ياريت كل الليالي بحلا هالليلة
وياريت قضي العمر مقابيلك
وياريت نصير انتي وانا عيلة
وست البنات غني وناديلك
طل القمر متل ملاك صغير
شمس الدني طلعت بطلتها
متل القمر، وأحلا بعد بكتير
ع طول المدى بتطير طرحتها
نورتي هالدني، نورتي كل الكون
يا مرحبا بالغالي يا أهلا
ست الحلا وزايد حلاكي اليوم
مسموح لو قلبي انا استحلا
انت القمر وكل البنات نجوم
انتي أميرة بفستانك الأبيض
خلص الحكي بعدك ومالو لزوم
وخلص الزهر ع خدودك مورد
متل البدر يملا الليالي نور
طير السما بحلاكي يتغنى
نيّالو يللّي قلبك معه مشغول
طول العمر بهواكي يتهنى