كلمات أغنية يبجوني

اشد جرحي وامثل بالضحك خاطر يصدقوني

انا الشايل قهر واضح من عيوني

اسد باب البجي وكلهم يبجوني يبچوني

صرت حتى بحلم محد يواسيني

غريب وتيهت ماكو اليدليني

شيردده العمر من تركض سنيني

و على ساعة تطيح العين من قد ما نزل دمعي

كل هذا واقول بخير ويبجي الحجر وضعي

صعب انسى حجي منك وصل حطملي نفسيتي

بعد كل تعبي هيج انشمر تاليتي

اريد احجي و تضل تمنعني تربيتي

غشيم اني وصدقت لا يا روحي

طحت محد اجه وخيطها لجروحي

اجاني اللي بس يطرب لو سمع نوحي

ولو ادري التعب ينساه ما اتعب واضحيله

عشت يمه العمر متعوب يضحك واني ابجيله

اضم دمعي واخاف من الكبل جانوا ينصحوني

شجاوبهم اذا عنك يسالوني

اشوفنهم وامر ومغمض عيوني

ولا ناسي و اكابر و الجرح يذكر ولا ناسي

يظل ينزف لحد ما يخنك انفاسي

شوازاني لبشر ما يفهم احساسي

يا عمري الخسرته وياك راح و صعبة يتعوض

صرت حجاية للشمات لا فضت ولا تنفض

كلمات / اسامة الصياد

الحان / طاهر العجيلي

توزيع موسيقي / مهند خضر

ميكس وماسترينغ / استديوهات طاهر العجيلي – دبي

صولو كمنجة / هيثم سعدون

كوافير / هشام ديفا

مدير التصوير / قتيبة المدفع

اخراج / مجد صايل

سنة الانتاج / 2022

تاريخ الطرح الرسمي / 10/06/2022