كلمات أغنية مخدوع

احضني مخدته ونامي واتركيلي دمع يجري
وشميها بمحبه وشوك عطره البيه مو عطري
جنت راسم هواج احساس واشم بيج الهوى العبري
وجنت متصورج دنيا واعيش بدنيتج عمري
اثاريني جنت مخدوع مريض مصخن يهذري
ما ادري وصدك حبيت ما حبيت لو ادري

.......................

تكليلي احب عطره واحب وياه كل ذكره
واموت بظلمته ونوره واهيم بحلوته ومره
صدك غيري سكن كلبج صدك واني طلعت بره
الف استغفرك ربي على لساني اجت كفره

........................

اريد اتذكر شسويت وليش بهالجزاء تجازيت
لان قاسمتج بروحي وبكلبي انبنالج بيت
ولان ذوبتج بدمي واشمج بالنفس ضليت
على راسي شلت حبج بس بغدرج انذليت

.........................

يعني لحضنه تشتاكين يعني بشوفته تحلمين
وانتي بالخيانه وياي حطيتيها بالتسعين
جنت ابجي عليج دموع وتشوفيني وتضحكين
وجنت اتعذب كبالج واحسج انتي ترتاحين
شلعت الحب من جذوره على ياحب بعد تحجين