كلمات أغنية فلفل حار
يعراق يافلفل حار للعالم انته الصكار
يعراق يابو الغانمه مرفوع راسك للسمه
يعراق شيل الرايه كلنه وياك مشايه
العراق ثابت ساسه الكون نسحك راسه
ياهو الذي يحاجينه بس الله يندك بينه
الي يمس اعتابه بضيم حظه جابه
انبار وعماره سوه نتقاسم احنه للهوه
دنيه تصيح ياستار من اشوف لمتنه
غربيه ويا شرجيه كوه الكاع شالتنه
يعراق يابو الغيره الكون عاش بخيره
الانذار لو دكيته الكون نهجم بيته
العراق ميطخ راس الغيره من عباسه
يعراق شد احزامك كلنه نهد كدامك
وياي نتدك تبتلي الدنيه نكلبها وعلي
دنيه تصيح ياستار من اشوف لمتنه
غربيه ويا شرجيه كوه الكاع شالتنه
يعراق راسك بسمه الميشوف بعيونه عمه
ياهو اللي يحجي ويانه والله نكص السانه
يعراق يوم الموزمه وياك كلها محزمه
وياي لا تتوازه فوكاك احط اعوازه
يعراق هد بدلاله والطوب ويه الفاله
يم بابي مالك لاتدك الدنيه نحركها حرك
دنيه تصيح ياستار من اشوف لمتنه
غربيه ويا شرجيه كوه الكاع شالتنه