كلمات أغنية هنا القاهرة

هنا القاهرة هنا القاهرة هنا القاهرة
يا اللي لك حبيب بيحبك وتحب تهاديه بهدية
هاته مصر الحليوة يقول لك دي صحيح هي ام الدنيا
دي مصرنا على بحر النيل وجونا طول عمره جميل
تعال جرب واراهنك لو انت ما قلتش من قلبك
هنا القاهرة هنا القاهرة هنا القاهرة

تشوف على يمينك تشوف على شمالك
حاجات كدة حلوة يرتاح لها بالك
وان مرة قابلك دم خفيف او ناس ماتعرفش التكليف
قول وانت مغمض ماتخافش من غير تفكير ولا تسالش
هنا القاهرة هنا القاهرة هنا القاهرة
في الدنيا اتنين في الدنيا اتنين
انا شايفة عقلك بيقولك الصوت دا منين الصوت دا منين
الصوت دا عايزك يوم ترعاه يمكن ياروحي تغني معاه
يوم من الايام فوق الاهرام
هنا القاهرة هنا القاهرة هنا القاهرة