كلمات أغنية صناديد العرجاء

حفل زفاف المحامي
نافل بن فالح العرجاني
ياقصيدي قم تعزوى وارسل لربعي رساله
البيوت اللي ماتشبه غير همال المخيله

خل من سولف بفرقا خله وقلة وصاله
واخذ من بأفعالهم تشبه لاساميهم ثقيله

فعلهم مبطي قبل لا تصبح الدنيا سهاله
عادها بالسيف والبارود والقب الاصيله

مرحبا عند ال مضحي روس مجد ما يناله

مثل ابومضحي عسى الفردوس منزاله وجاله
والله ان اللي مثل شرواه مانلقى بديله

أخو جزوي راعي الفزعات وعلوم الشكاله
فالح وفالح تميز بين كل أبناء جيله

الكريم اللي يمينه جاهلة مدة شماله
في سبيل الله عسى ربي يجازيه بسبيله

قصر طيبه ريح المحتاج في فية ظلاله
وطيب راسه كل حمل كايد متنه يشيله

الله يبيحه ويبارك ماعطاه ومابقا له
القروم اللي تعشق الطيب وتزود بكيله

وكر احرار تروم العز وتحووش الجماله

وانت يا نافل لو اسهب بالثنا ماني بداله
لو سردت بيوت شعري في مواقفك النبيله

انت حاله تختلف عن كل وصف وكل حاله
ياحصان يسرج لفعل المراجل كل خيله

من صناديد ال عرجاء لاغدى فيه استماله
روسهم تقدح سطر ما هي بتقدح من فتيله

اقبلو خيالة السمراء على العدوان عاله
في الحرايب سيفهم خلص عميل من عميله

قلتها وصلى الله وسلم على محمد واله
والسلام ختام في سرد الطواريق الجزيله