كلمات أغنية حنا معك يا سعد خنفور
- كلمات
- سعد الهويدي
- ألحان
- صالح اليامي
حنا معك يا سعد خنفور
وعبس اتنومس بعبسيها
يالنايب الي معك جمهور
عيف رجالن كراسيها
تهادت شيخت القيفان لشاعر بدون شعور
ولا مل القصيد العذب من راسي لو امله
الا يا راسي الي ما يكودك ضرب سبع ابحور
شربت الشعر كله مثل شربة صافي الدله
والى منه طرا الممدوح جاء مدح على حله
مقفل باب شعر المدح كله من سنه وشهور
وتشرع باب شعر المدح يوم انه طرا كله
اوصف كل طيب لا مدحته في سعد خنفور
وسعد خنفور وين القى بوصف المدح وصفن له
حقرت طويق لو طويق بعيون العرب مشهور
ظلال اطويق يقصر لا ذكرنا فعله وظله
لو ان فعله مع غيره من العالم غدا مغرور
يا سبحان اللي امخليه متواضع الـ خلق الله
ماهو نايب فقط لا والله الا امحامي ودكتور
يرد الحق ويداوي جروح الي بهم عله
بناء له صرح سامي يوم غيره باني فله
يخلد فعله التاريخ مثل الحاجب المنصور
وذا في قرطبه حله وذا بـ اشبيليه حله
والى جاء مجلس الامه ماهو كرسي ولا ديكور
يجيه وينفض اقلوب الرجال ويسهج الحله
فداه النايب المنهي فداه النايب المامور
وفداه النايب الي ماش لا مذهب ولا مله
وفداه النايب الي قبل لا ياصل يعيش الدور
يسوي له فلم وكبود خلق الله معتله
تقول انه بيحرر قدسنا الي له زمن ودهور
واليا منه وصل ضاع الحكي والقدس محتله
ترا مال المواقف كلبوها الا سعد خنفور
هو الي فزعته كنها نصاب السيف والسله
وليا جو صفوة الضباط قلنا يا سعد مشكور
ومنهو يزهم الخنفور راح ايفصل ابدله
سعد سعد الرفيق الي من ضروف الزمن مقهور
وسعد حل الصعيب الي تعجز الناس عن حله
مضوفه بالامور الكايدات امشرع معمور
ولا خابت رجاوي واحد داوس طرف زله
سلايل عبس لو بار الزمن ماهو معاه يبور
تعنز له بني عمه على الكايد وياصل له
وذولا عبس من عصر الجهاله ذكرهم مذكور
وجمره بالعرب تطغي على الطاغي وتحتله
تعزوا في دليل واحتزم بصقور وابنا اصقور
محازم بالمواقف مابهم عيب ولا خله
جنود الدار يوم السور حط وبعد وقت السور
ملو تاريخ دار العز بكتابه وبسجله
تبجح وافتحر مافي بني عمك ردا وقصور
ما دام ان الحميا بالرشيدي طبع وجبله
في يومن به دمي اهل الحمايا تتطبخ وتفور
بني عمك بني عمك تعقد الحبل وتحله
يجيك احظور من بين الدواير ما مثله احظور
وتجيك اصوات بالتصويت مثل الغيث منهله
تشوف اسمك على الشاشه مثبت ب اول الطابور
ولا به رقم يقرب له ولا به رقم ندن له
معلومات الاغنية
حنا معك يا سعد خنفور
مهداة للمرشح سعد الخنفور
كلمات سعد الهويدي
اداء صالح اليامي