كلمات أغنية مثل غيرك

عليك شلون ما أزعل
وتسوي أشياء تجرحني
تضايقني بأفعالك
وتظن إنك مفرحني

تسود وجهي بطعونك
وتبيض وجه أحزاني
ياليت إللي حصل منك
حصل من واحد ثاني

مثل غيرك ومنته غير
جرحت جروح ما طابت
ولكن هقوتي خابت

صدمني الكل ومو ناقص
بعد منك تجي صدمه
تحطها بذمتك عادي
وسيعه صارت الذمه

بسيطة كانت أحلامي
توقعتك تحب لي الخير
وتدور راحة أيامي
وأشوف إن الحقيقه غير

تحب الخير لجروحي
حبيبي الوقت ما قصر
وكلمة حق يا روحي
جميع الناس تتغير