كلمات أغنية مواطن ومخبر وحرامي

اسمع وافهم لكلامي مواطن ومخبر وحرامي

فيها ايه لو نبقى واحد ونغير الاسامي

القط ويا الفار تملي كدة في خصام

وانا اصلي مطيباتي وبعشق السلام

القط واد مخربش وتقول اخر جمال

امور وشعره ناعم لكن ضوافره طوال

الفار تملي يجري والقط وراه وراه

ونسه ياكله كله والفار ما يقولش اه

انا نفسي الفار والقط على بعض يولفوا

القط اذا حب الفار ولا عمره يخوفه

انا نفسي يبقوا حبايب ومحدش يبقى غريب

انا مرة في قعدة رايقة جوزت الغنمة لديب

ارجوك يا عم فار وقف بلاش تنط

بجد مش هزار هنجوزك لقط

هتقبل الجواز هتعيش مبسوط تمام

لا هتجري في الشوارع ولا ع الرصيف تنام

القط قالي امرك والفار لكلامي نفذ

احسن ما القط يزعل ويروح يعمله فخ

اهي تمت الجوازة والفار بقاله قط

والبركة في المعلم مش اي اي خط

البركة في المعلم ايييييه البركة في المعلم

بكرة الفار يخلف فرافير مقطقة

وعيال من صف تاني على بعض ملخبطة

الحب خلاص راح يكبر مبقاش للكره وجود

والبركة في المحبة وسياسة العهود

ليه بقى مانكونش واحد ومفيش ما بينا فرق

شمال زي الجنوب والغرب جوة شرب

واسمع وافهم في كلامي مواطن ومخبر وحرامي

فيها ايه لو نبقى واحد ونغير الاسامي

فيلم : مواطن ومخبر وحرامي

تلحين : شعبان عبدالرحيم

هندسة صوتية : عمر فودة

الاوديو : يوتيوب