كلمات أغنية المقدر لابد يكون
مابخاف من شئ برضي صابر
المقدر لابد يكون
ان أتاني الهم جيشه دافر
يلقى ياخلاي صبري وافر
يلقى عزمي التام ليه خافر
ويلقى قلبي شجاع وما جبون
بالعداء معروف ما ببادر
ومابخون الجار ماني غادر
وما بقول للناس متلي نادر
بل بقول للخالق شؤون
ما عصيت مولاي ماني فاجر
لا ولا بالعالم بتاجر
لم أكن كل يوم لي لون
الثبات معروف لي معاصر
لو بقيت في داخل معاصر
والإله غير شك لي ناصر
رغم انف الواشي الخؤون
قول لشاهد الزور فيما ساير
هدي روعك قبل الخساير
ياما قبلك عميت بصاير
من لساني وقولي الهتون
قول لأهل الجور والمساخر
مافي أول ما ليهو آخر
مابدوم العز والمفاخر
وما بدوم الظل والحصون
وما جحدت الخير ماني كافر
عن سبيل الحق ماني نافر
وما ضمرت السوء ماني حافر
للصديق هاويات السجون