كلمات أغنية ده بأف مين
- كلمات
- بديع خيري
- ألحان
- سيد درويش
ده باف مين اللى يالس
على بنت مصر بانهي وش
و النبي يجري يتليس
ماطلع كلامه طظ فش
النوه النووه
هى هى هيه
مابقاش ينفعنا دلوقتي
دي المصرية كتر خيرها
فى التربية سبقت غيرها
يا سيدي انت
البنت تفضل محبوسة
قال جوه بيتها يكون اظبط
لحد ما تبقى عروسة
بدال ما تفضل تتنطط
يا سلام
يا سلام يا اخوانا دي العبرة
ماهيش فى جوة و لا برة
عمر الحرة ما تبقى عرة
عمر العرة ما تبقى حرة
يا سيدي انت
باردون يا فندي بالذمة
ايه بس عيب المصرية
الدنيا ضاقت بيك لما
ماتاخدش غير الافرنجية
افهم
و اعقل
يا اهبااال
يا اهبل ليه غيرنا يفارقنا
ماتخلي زيتنا فى دقيقنا
دي المصرية تبيض وشك
الافرنجية عينها فى قرشك
يا سيدي انت
اللى ماتكتبش و تقرا
الدجالين قالعين عنها
وتو ما تقع البقرة
مالحق ما تكتر سكاكينها
اخه اخيه اخييييه
تفوا عالجهل ميت تفة
يالا نكسر وراه شقفة
من تعليمنا اهلنا خايفة
واقعين ليه من قعر القفة
يا سيدي انت
خليها دي حلقة فى ودنك
من قبل ما تقري الفتحة
اول كلام تقوليه لابنك
وطنك مافيش زيه دحه
م النيل امبوه
حبووووه
حبه يا نونو بالاكتر
من بابا و ماما والسكر
منه الـتسة و منه المما
اوعك تنسى فرض الامة
يا جدع انت