كلمات أغنية بائع السودانى
- ألحان
- سيد درويش
سيد يا مقلي خالص على الصواني
يا لوز بلادنا يا فول يا سوداني
الافندية الحمد لله اللي هادينا
لقينا في سكتنا تسالي
قرب يا مرقص وانتي يا امينة
ادي بتاع الفول اهو قبالي
بتبيع بكام تعى قرب قول
وريني فولة م اللي معاك
اخلص بس الناس شايفاك
سيد اللي يعرف ابويا يقول له
تمللي المصري الناس باصين له
ده انا مش باسرق راح اخاف ليه
معايا سوداني وخدنا عليه
الافندية واحنا كمان واخدين على فولك
اشمعنى هي يعني ترد عليها
علشان نتايه اسم النبي حولك
سيد لا مؤاخذه حاكم العادة الجارية
الست قبله نشوف طلباتها
سوى تكون بيضة او جارية
اهو الغرض نقضي واجباتها
حياة برضه كلام بتقوله معقول
ده انت خسارة في بيعك الفول
قول لي بكام بتبيع الكيلة
والله باين لك صاحب عيلة
سيد صاحب عيله وصاحب ذمة
معايا سوداني تحبه الامة
مش بيقولوا احنا بلادي فول
وانا اكرم لي ابيع الفول
الافندية كده الحداقه براوة على دينك
ما دام بتشقى بعرق جبينك
خلص بقى للست البيعة
وشوفنا زي احنا ما شايفينك
سيد اجيب بكام ولا انتي نسيتي
قوام يا ستي الا ورايا بيتي
انا خايف لتكوني نادهه لي
ونسيتي يا مصريه سوداني
الافندية لا ارجع اوعى تقول كدة تاني
بذمتي وديني وايماني
مهما العوازل قالوا او عادوا
عمر ابن مصر ما ينساك
ابدا ابدا يا سـوداني