كلمات أغنية مهرجان نفسيتي بايظة

وبعدين معاكو ياللي معاكو كنت مجدع
مش كنت اخوكو اللي في مشاكلكو مش بيرجع
اخرت رجولتي تقلو معايا طب ده ينفع

ايوه عليكو طلعتم ناس ولاد ابالسه
فكرتكم رجاله وطلعتم ناس ناقصه
اعرفكو تاني هاه هاه هاه دي كات فرصه

مين فيكو اتخان في مره
من ناس فكرها حلوه
واكتشف بعد فتره
انهم خلق عره
للاسف كانو منك
كانو حالفين يبقو جمبك
بمزاجهم بعدو عنك
واتنسي خيرك في كلمه

هو انتو مين عشان بشبهه انا عليكو
ايوه افتكرت انتو اللي بعتوني وقسيتو
شطبت حب اتفضلو روحو زي ماجيتو

رجعنلي ليه شكلكو خدتو علي قفاكو
لا مش هسامح ويلا شدو بابي وراكو
خسرتو اكتر حد ده كان سالك معاكو

فاكرينها عليكو واقفه
بعديكو الدنيا تحفه
خسارتكم جت بفايده

ده وجودكم مكانله قيمه
غير فقر ونحس لينا
حيلو بقي من علينا
ضربتي الجايه قاضيه

ميهمنيش اللي بيهرو ياما في ضهري
يكفيني قدامي بيبقو كلاب بلدي
سوري للكلاب انتو اوفا منهم مش قصدي

عارف تاريخهم القذر انا واساسهم
فبيكرهوني عشان كارفهم وكانسهم
مش بيطيقوني عشان كاتم علي نفسهم

انا صحبي الشق توب
قدمتله كل حب
باعني من اجل چوب
لا معامله مابينا استوب

ياد فكرتك تمام
راجل زي زمان
معرفش انك بقيت
عيل طري وجبان

تشكر يا كاسي علي وقفتك معايا
نسيتني ناسي اللي هدفها كان اذايا
نهو كل حاجه وقالو باي باي عليك كفايه

من حبي ليهم انا قولت عنهم اخواتي
ويموتو فيا انا لما بتكتر سهراتي
ولما جيبي ده شطب دمرولي حياتي

انا نفسيتي بايظه
والدنيا معايا لايصه
ياللي فاكرينها هايصه
لا تعالو اتفضلو
عيشو يوم واحد مكاني
وان كملتو للتاني
اديكم كل مالي
اللي ده طار من عينكو