كلمات أغنية قالولي للموت
كالولي للموت نضل
عدلين ميتين نضل
تاليها نامو بالعسل
وضليت وحدي
كالو منتفارك ابدا
ونطوني مليون وعد
منهم ولا ضلل احد
وضليت وحدي
لبعينهم تعبي اجه
ولا رحمه بكلبي البجي
كلمن نسه اويايه شحجه
وضليت وحدي
لا تعبي وياهم ثمر
ولحد اجاني ع الكدر
ماوفي ويايه بشر
وضليت وحدي
كالولي ننساك جذب
مندور بحبك لعب
شافوني من كلبي احب
وظليت وحدي
كالولي حبك هوا
وخلينا للموت سوا
انذليت وذراعي انلوا
وضليت وحدي
دمعي علي خدودي جره
والما دره بحالي دره
ما مرت ابالي تره
ضليت وحدي
عافوني عايش بالندم
بين القهر بين الالم
حتي الي حبيته انهزم
وظليت وحدي
الكون بالعين طفه
وكلبي للهموم صفه
حتي وفيهم ما وفه
وضليت وحدي
ضايع وماشوف الدرب
النسيان ع الروح صعب
ما ظل بعد بيه كلب
وظليت وحدي
حتي الفرح صار دمع
ونتي ابد ما تنسمع
كالولي نبقي باي وضع
وضليت وحدي
خلوني مكسور جنح
الهوا لو هب انجرح
ماكو بعد حوبه ايملح
وضليت وحدي